Ayon sa pahayag na inilabas nitong Martes, Mayo 3, 2016, ng Ministry of Home Affairs (MHA) ng Singapore, naaresto ang 8 suspek na teroristang Bangladeshi batay sa Internal Security Act nitong nagdaang Abril.
Ayon sa ulat, ang naturang mga suspek ay nagtrabaho sa Singapore at sumali sa grupong Islamic State in Bangladesh (ISB). Ang ISB ay itinatag ni Rahman Miznaur sa Singapore nitong nagdaang Marso.
Ayon sa MHA, wala pa silang planong pag-atake sa Singapore, pero binalak nilang isagawa ang teroristikong atake sa kanilang inangbayan.
Upang mapigilan ang pagkalat ng Islamic State (IS), pinahigpit ng Singapore ang mga hakbanging laban sa terorismo.
Ang mga pangunahing umiiral na hakbangin ng Singapore ay kinabibilangan ng pagpapabuti ng mga batas sa seguridad at paglaban sa terosimo, pagpapataas ng kakayahan ng tropa at pulis sa pangkagipitang paglaban sa terorismo, at pagsasapubliko ng planong SG Secure sa buong bansa para komprehensibong palakasin ang kakayahan ng mga komunidad sa paglaban sa terorismo.
