|
||||||||
|
||
MARAMING nararapat gawin ang susunod na administrasyon sa larangan ng paglutas sa kahirapan at kalusugan.
Ito ang sinabi ni Dr. Manuel M. Dayrit, dating kalihim ng Kagawaran ng Kalusugan sa isang panayam sa idinaos na pulong na pinamagatang Health for Juan & Juana sa Asian Institute of Management kahapon.
Isa sa pinakamabigat na problema ng pamahalaan ay kung paano makararating ang mga mamamayan sa health services sa mga lunsod at bayan.
Ipinaliwanag ni Dr. Dayrit na may mga tao sa mga lunsod, sa mga lalawigan, mahihirap at mayayaman at may mga taong nangangailangan ng tulong para sa kanilang mga karamdaman. Napakalaking hamon umano kung paano napakikinabangan ng mga mamamayan ang buong sistema ng kalusugan at kung paano magagamit ang mga palatuntunan para sa taongbayan.
Kailangang malutas ang problema ng kahirapan sapagkat mas maraming mahihirap ang may karamdaman na siyang hirapang makalapit sa mga tanggapan, klinika o pagamutan upang maibsan ang sakit. Kahit pa may ginawagang hakbang ang pamahalaan sa larangan ng ekonomiya tulad ng pagdaragdag sa Gross National Product at sa social safety nets tulad ng pagkakaroon ng 4Ps upang mabigyan ng Conditional Cash Transfer, kailangan ding mapahusay ang mga programang lulutas sa pinaka-ugat ng kahirapan.
Bilang dekano ng Ateneo School of Medicine and Public Health, ipinaliwanag ni Dr. Dayrit na tinuturuan nila ang kanilang mga estudyante na maging magagaling na manggagamot na nakababatid ng mga pangangailangan ng mga mahihirap.
Hindi sapat na maging magaling na manggagamot kungdi aktibong mga mamamayang nakababatid na mga suliranin ng lipunan, dagdag pa ni Dr. Dayrit.
© China Radio International.CRI. All Rights Reserved. 16A Shijingshan Road, Beijing, China. 100040 |