Hinggil sa CRIHinggil sa Serbisyo Filipino
   

Rebalance to Asia-Pacific ng Amerika, pangunahing dahilan ng maigting na situwasyon ng SCS: sugong Tsino

(GMT+08:00) 2016-05-10 15:21:37       CRI

Sa artikulo na ipinalabas sa website ng diyaryong Lianhe Zaobao ng Singapore, ipinahayag ni Xu Bu, Embahador ng Misyong Tsino sa Association of Southeast Asian Nations (ASEAN) na dahil sa estratehiyang rebalance to Asia-Pacific ng Amerika, namumukod ang isyu ng South China Sea (SCS).

Nitong mga araw na nakalipas, ilang beses na ipinahayag nina Admiral Harry B. Harris Jr., Pacific Fleet Commander at Daniel Russel, Asistanteng Kalihim ng Estado sa mga Isyu ng Silangang Asya at Pasipiko ang palagay hinggil sa isyu ng SCS. Kinondena nila ang Tsina sa pagbabanta sa kapitbansa.

Bilang tugon, sinabi ni Embahador Xu na sa katotohanan, mahigit 30 taon na ang pagkakaiba sa soberanya at karapatang pandagat sa pagitan ng Tsina at ilang bansa sa baybayin ng SCS. Masasabing sa panahong iyon, dahil sa maayos na paghawak ng Tsina at nasabing mga bansa sa isyung ito, hindi ito nagsilbing hadlang sa patuloy na bumubuting relasyon ng Tsina at nabanggit na mga bansa. Noong Nobyembre, 2002, nilagdaan ng Tsina at mga kasapi ng Association of Southeast Asian Nations (ASEAN) ang Declaration on the Conduct of Parties in the South China Sean (DOC) na nagsasaad ng paglutas ng mga pagkakaiba sa pamamagitan ng diyalogo at ng pagsagawa ng mga pagtutulungang pandagat.

Pero, dahil sa paglunsad ng Amerika ng estratehiyang rebalance to Asia Pacific noong 2009, nagsimula nang maging maigting ang situwasyon ng SCS.

Makaraang matapos ni Hillary Clinton, dating Kalihim ng Estado ng Amerika ang bihaye sa Asya noong Pebrero, 2009, biglaang nagbago ang patakaran sa SCS ng ilang bansang ASEAN. Noong Marso, 2009, pinagbitay ng Pilipinas ang Archipelagic Baseline law kung saan isinama sa teritoryo ng Pilipinas ang Huangyan Island at ilang isla ng Nansha Islands. Noong Mayo, 2009, isinumite ng Vietnam sa Commission on the Limits of the Continental Shelf ng United Nations ang Extended Continental Shelf Claim upang angkinin ang Xisha at Nansha Islands ng Tsina.

Noong Mayo, 2012, sa pagdinig ng Komite sa mga Relasyong Panlabas ng Senado ng Amerika, binatikos ni Gng Hillary Clinton ang Tsina sa pagsasabing ang claim ng Tsina sa SCS ay lampas sa United Nations Convention on the Law of the Sea (UNCLOS). Isang buwan pagkaraan ng pagbatikos ni Clinton, pinagtibay ng lehislatura ng Vietnam ang Batas na Pandagat ng bansa na lakip sa teritoryo ng Vietnam ang Xisha at Nansha Islands ng Tsina. Pagtapos, sa kanyang pagbisita sa Vietnam, inulit ni Clinton ang pagkatig ng Amerika sa Vietnam at nanulsol din siya sa mga lider ng ibang bansang ASEAN na talakayin ang isyu ng SCS sa ASEAN Summit noong taong iyon. Masasabi itong tangka ng Amerika para pilitin ang mas maraming bansang ASEAN na labanan ang Tsina. Dahil dito, nakita ang paglaki ng pagkakaiba sa loob ng ASEAN.

Noong Enero, 2013, ipinasiya ng Pilipinas na talikuran ang bilateral na kasunduan niya sa Tsina at inihain ang international arbitration.

Higit pa, pinag-ibayo ng Amerika ang suportang militar sa Vietnam at Pilipinas. Para rito, inalis ng Amerika ang arms embargo sa Vietnam at nilagdaan niya, kasama ng Pilipinas ang Enhanced Defense Cooperation Agreement (EDCA). Inanyayahan ng Amerika ang Hapon at Australia na lumahok sa Balikatan.

Sa mahabang panahon, walang problema ang kalayaan ng paglalayag at kalayaan ng paglipad sa SCS batay sa pandaigdig na batas.

Bilang panapos, inulit ni Sugong Xu ang mungkahing "dual-track" ng Tsina para malutas ang pagkakaiba sa isyu ng SCS. Ang "dual-track" ay nangangahulugan sa isang banda, ang pagkakaiba ay lutasin sa pagitan ng mga may direktang kinalamang bansa, sa pamamagitan ng diyalogo at sa kabilang banda naman, ang Tsina at mga bansang ASEAN ay magkakasamang mangalaga sa kapayapaan at katatagan ng karagatan.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>