Martes, Mayo 31, 2016, nakipagtagpo si Song Tao, Ministro ng International Liaison Department ng Komite Sentral ng Partido Komunista ng Tsina, kay Kabir Hashim, Pangkalahatang Kalihim ng United National Party ng Sri Lanka.
Ipinahayag ni Hashim na palagian, matatag, at malinaw ang paninindigan ng kanyang partido at pamahalaan sa isyu ng South China Sea. Aniya, ipinalalagay ng Sri Lanka na ang suliraning panrehiyon ay dapat ipasiya ng mga bansa sa loob ng rehiyon, at hindi dapat makialam dito ang puwersa sa labas ng rehiyon. Ang mga alitang may kinalaman sa teritoryo ay dapat lutasin ng mga may kinalamang panig, sa pamamagitan ng bilateral na tsanel. Dapat resolbahin ang alitan sa South China Sea, sa pamamagitan ng bilateral na pagsasanggunian ng Tsina at mga may kinalamang bansa.
Aniya, ang Tsina ay mahalagang puwersa ng pangangalaga sa kapayapaan at kaunlaran ng rehiyong ito. Nananalig aniya ang kanyang bansa na magpapatingkad ang CPC at pamahalaan ng Tsina ng mas positibong papel para sa mapayapang pag-unlad ng rehiyon.
Salin: Vera