SINABI ni PNP chief Director General Ricardo Marquez na nangangalap pa sila ng ebidensya laban sa mga tiwaling opisyal ng pulisya na binabanggit ni incoming President Rodrigo Duterte.
May isang koponan ng mga imbestigador na ipinadala sa Kabisayaan upang alamin ang katotohanang may mga heneral na sangkot sa katiwalian at illegal drug trade.
Wala pa umanong anumang ebidensya na susuporta sa impormasyong magsasangkot sa mga aktibong general sa katiwalian at mga droga, dagdag pa ni G. Marquez sa mga mamamahayag kaninang umaga.
Mayroong "raw information" noon kaya't nagpadala na sila ng special teams ng Anti-Illegal Drugs Group sa Kabisayaan kaya't tuloy pa rin ang kanilang imbestigasyon.
Hahalinhan ni Chief Supt. Ronald dela Rosa si Director General Marquez sa darating na huling araw ng Hunyo.