Ayon sa "Guoji Ribao" at "Bisnis Indonesia," ipinahayag kamakailan ni Bambang Brodjonegoro, Ministro ng Pinansya ng Indonesia, na ang resulta ng reperendum ng Britanya ay hindi inaasahan ng sirkulong pinansyal sa buong daidig. Nagresulta aniya ito ng fluctuation ng stock at exchange market, kaya naaapektuhan ang kabuhayang Indones sa maikling panahon lamang. Ngunit ito ay pansamantalang kalagayan.
Ipinalalagay din niya na hindi malaki ang epekto sa kooperasyong pangkabuhayan at pangkalakalan ng Indonesia sa Britanya at mga bansa ng Unyong Europeo (EU), at ang mahalagang bagay ay pananatilihin ang kasalukuyang umiiral na ganitong kooperasyon. Tinukoy din niya na sa kasalukuyan, tinatalakay ng Ministrong Pangkalakalan ng Indonesia at EU ang tungkol sa kasunduan ng komprehensibong ekonomikong partnership, at patuloy din nitong hahanapin, kasama ng Britanya, ang mekanismo ng kanilang bilateral na kooperasyon.
Salin: Li Feng