Sa pakikipag-usap nitong Miyerkules, Hulyo 6, 2016, sa Beijing sa kanyang Cambodian counterpart na si Say Chhum, ipinahayag ni Zhang Dejiang, Tagapangulo ng Pambansang Kongresong Bayan ng Tsina(NPC), Punong Lehislatura ng Tsina na nananatiling matibay ang tradisyonal na pagkakaibigan ng Tsina at Kambodya. Aniya, noong Hunyo ng kasalukuyang taon, narating nina Pangulong Xi Jinping at Haring Norodom Sihamoni ang pagkakasundo hinggil sa ibayong pagpapatibay ng mapagkaibigang relasyong Sino-Kambodyano, at pagpapalalim ng pagtutulungang may mutuwal na kapakinabangan. Aniya, ang pahayag sa pagbibigay-suporta sa kani-kanilang nukleong interes ay nagpapakita ng mataas na estratehikong pagtitiwalaan ng dalawang panig. Umaasa aniya siyang lalawak pa ang pragmatikong pagtutulungan ng Tsina at Kambodya sa ibat-ibang larangan para ibayong palakasin ang tradisyonal na pagkakaibigan ng dalawang bansa.
Ipinahayag din ni Zhang ang mithiin sa pagpapahigpit ng karanasan sa lehislatura ng dalawang bansa sa pangangasiwa sa estado, pagpapalakas ng pagkakaibigan ng mga mamamayan, at pagpapasulong ng koordinasyon sa multilateral na organisasyong pamparliamento ng daigdig. Ito aniya'y para ibayong patibayin ang relasyong Sino-Kambodyano.
Ipinahayag naman ni Say Chhum, na positibo ang Kambodya sa tradisyonal na mapagkaibigang pakikipagtulungan sa Tsina, at sa mahalagang papel ng Tsina sa pangangalaga sa kapayapaan at kaunlaran ng rehiyon at daigdig. Umaasa aniya siyang hihigpit pa ang pagpapalitan ng dalawang lehislatura para ibayong pasulungin ang pagtutulungan ng dalawang bansa sa ibat-ibang larangan.