Ipinahayag sa Beijing, nitong Miyerkules, Hulyo 6, 2016 ni Yang Xiuping, Puno ng ASEAN-China Center(ACC) ang pag-asang sasamantalahin ng Tsina at Association of South East Asian Nations (ASEAN) ang panlahat na pagkakataon ng pag-unlad, at palalawakin ang komong interes para maisakatuparan ang kanilang mas mahigpit na komunidad na pangkooperasyon.
Sinabi ni Yang na nitong 25 taong nakalipas, sapul nang maitatag ang relasyong pandiyalogo ng Tsina at ASEAN, ito ay nagsisilbing pinakamahigpit at pinakamabungang rehiyonal na ugnayang pandiyalogo sa daigdig. Aniya, kapuwa isinasabalikat ng Tsina at ASEAN ang tungkulin sa pagpapasulong ng kabuhayan at pagpapabuti ng pamumuhay ng mga mamamayan. Aniya, ang pagsasagawa ng pagtutulungan ay nagsisilbing pangunahing tunguhin sa bilateral na relasyon ng Tsina at ASEAN. Umaasa aniya siyang sasamantalahin ng Tsina at ASEAN ang pagkakataon ng "Belt at Road Initiative" para sa ibayong pag-uugnay ng estratehiyang pangkaunlaran ng dalawang panig; pagpapabilis ng pag-u-upgrade ng China-ASEAN Free Trade Area (CAFTA) para sa mas mataas na kalidad at episyensya ng pagtutulungang pangkabuhayan at pangkalakalan; pagpapasulong ng kooperasyong pinansyal, magkasamang pag-unlad ng Lancang-Mekong River Subregion, at pagpapalitang kultural ng mga mamamayan para maisakatuparan ang magkasamang pag-unlad ng dalawang panig.