Inilabas Miyerkules, Hulyo 13, 2016, ng Tanggapan ng Impormasyon ng Konseho ng Estado ng Tsina, ang White Paper na pinamagatang "China Adheres to the Position of Settling Through Negotiation the Relevant Disputes Between China and the Philippines in the South China Sea."
Kabilang sa nilalaman ng nasabing white paper ay limang bahagi na gaya ng pagmamay-ari ng Tsina ng mga isla at reef ng South China Sea (SCS), timeline ng mga hidwaan ng Tsina at Pilipinas hinggil sa SCS, mga narating na nagkakaisang posisyon ng dalawang bansa hinggil sa paglutas ng mga hidwaan, paulit-ulit na paggamit ng Pilipinas ng mga aksyon para mapasalimuot ang mga hidwaan, at mga patakarang Tsino hinggil sa paghawak sa isyu ng SCS.
Anang white paper, ang soberanya at mga karapatan ng Tsina sa mga isla at reef sa SCS ay kinikilala ng komunidad ng daigdig at mayroong lubos na basehang historikal at batayang legal.
Tinukoy ng white paper na ang nukleo ng mga hidwaan ng Tsina at Pilipinas hinggil sa SCS ay isyu ng teritoryo. Bukod dito, narating ng dalawang bansa ang nagkakaisang posisyon hinggil sa paglutas ng mga hidwaan sa pamamagitan ng talastasan at pagsasanggunian.
Binigyang-diin ng white paper na palagiang sinusunod ng Tsina ang prinsipyo ng "UN Charter," matatag na iginagalang at pinapangalagaan ang mga pandaigdigang batas.
Anang white paper na iginigiit ng Tsina ang paglutas ng mga hidwaan sa pamamagitan ng talastasan at pagsasanggunian, matatag na pinapangalagaan ang kalayaan ng paglipad at paglalayag ng mga bansa sa SCS batay sa mga pandaigdigang batas.
Nanawagan din ang white paper sa mga bansa sa labas ng rehiyon ng SCS na patingkarin ang konstruktibong papel sa pangangalaga sa katatagan ng rehiyong ito.
Para sa buong teksto:http://news.xinhuanet.com/english/china/2016-07/13/c_135509153.htm
