Ipinahayag ngayong araw, Biyernes, ika-15 ng Hulyo 2016, ni Tagapagsalita Lu Kang ng Ministring Panlabas ng Tsina, ang pagtanggap sa kahandaan ni Pangulong Rodrigo Duterte ng Pilipinas, na magpadala ng espesyal na sugo sa Tsina para sa talastasan.
Sinabi ni Lu, na iginigiit ng Tsina ang pagsasagawa ng bilateral na diyalogo para sa maayos na paghawak ng may kinalamang isyu. Dagdag niya, kung maayos na hahawakan ng Tsina at Pilipinas ang hidwaan, sa pamamagitan ng talastasan at pagsasanggunian, tiyak na magbubukas ng magandang kinabukasan para sa relasyon ng dalawang bansa.
Salin: Liu Kai