NAKIISA si PNP Chief Director General Ronald Dela Rosa sa mga militanteng grupong natipon may 500 metro mula sa Batasang Pambansa compound at bumati sa mga nagtipong may mga kahilingan kay Pangulong Rodrigo Duterte.
Sinabi ni General Dela Rosa na kailangan lamang niya ang pakikipagtulungan ng mga militante upang mapanatiling payapa ang mga pagtitipon sa labas ng joint session ng Senate of the Philippines at House of Representatives.
Hindi kailanman nakita ang ganitong larawan noong mga nakalipas na panahon mula kay Pangulong Corazon C. Aquino hanggang sa kanyang anak na si Pangulong Benigno Simeon C. Aquino III.
Ipinaliwanag niyang naroon ang pulisya, ang may 25,000 kataong pulisya upang maiwasan ang anumang kaguluhan.