KAILANGANG igalang ng Pamahalaan ng Pilipinas ang karapatang pangtao sapagkat ito ang pinakabuod ng bansa. Naniniwala ang pangalawang pangulong si Leni Robredo siyang hindi nararapat gamitin ang karapatang pangtao bilang kalasag upang sirain ang bansa.
Ito ang reaksyon ni Gng. Robredo sa pahayag ni Pangulong Rodrigo Duterte sa kanyang unang State of the Nation Address kahapon.
Sa isang press briefing kanina, sinabi ni Vice President Robredo na ang karapatang pangtao sa Pilipinas ang pinakasandigan ng magandang imahen ng bansa sa buong daigdig.
Ipinaliwanag din niyang pinanday ang Saligang Batas noong 1987 matapos ang rehimeng sumikil ng mga karapatan ng mga mamamayan sa ilalim ni Pangulong Ferdinand Marcos.
Isang human rights lawyer si Gng. Robredo noong panahon ng Batas Militar noong panahon ng ama ng kanyang nakatunggali sa pagka-Pangalawang Pangulo na si Senador Ferdinand R. Marcos, Jr.