SINABI ni Energy Secretary Alfonso Cusi na suportado ng kanyang tanggapan ang palatuntunan ni Pangulong Rodrigo Duterte na pasiglahin ang kaunlaran sa ekonomiya sa pamamagitan ng mga programang tutugon sa mga pangangailangan tulad ng baseload capacities.
Sa isang pahayag, sinabi ni Secretary Cusi na obligasyon ng Department of energy na tiyaking mayroong energy supply sa buong bansa upang maisulong ang industrilaization. Ang Pilipinas na isang developing country ay mayroong mababang carbon emissions kaya't marapat lamang gamitin ang anumang pagkukunan ng enerhiya upang mapanatiling mababa rin ang presyo nito.