NAPASLANG ang dalawang tauhan ng Bangsamoro Islamic Freedom Fighters samantalang tatlong kawal ang nasugatan sa serye ng mga sagupaan sa Shariff Saidona sa Maguindanao kahapon.
Naganap ang mga sagupaan ng tambangan ng mga BIFF ang isang grupo ng mga kawal na nagpapatrolya sa Barangay Pamalian ganap na ika-lima ng umaga. Ayon kay Capt. Jo-ann Petinglay, naging dahilan ang pananambang ng mga sagupaang nagtagal hanggang katanghalian ng Martes.
Ginagamot na ang mga kawal sa isang ospital samantalang ang labi ng mga napaslang ay kinuha na ng mga barangay official na magdadala sa mga naulilang kamag-anak.