Ipinatalastas ngayong araw, Huwebes, ika-28 ng Hulyo 2016, sa Beijing, ni Yang Yujun, Tagapagsalita ng Ministri ng Tanggulang Bansa ng Tsina, na sa darating na Setyembre ng taong ito, isasagawa ng mga hukbong pandagat ng Tsina at Rusya ang magkasanib na pagsasanay militar sa karagatan at himpapawid ng South China Sea.
Sinabi ni Yang, na ito ay kauna-unahang pagsasanay militar ng Tsina at Rusya sa South China Sea. Dagdag niya, ito ay isang regular na aktibidad ng dalawang panig, na naglalayong pasulungin ang relasyong Sino-Ruso, palalimin ang kooperasyon ng mga tropa ng dalawang bansa, at palakasin ang kanilang kakayahan sa magkasamang pagharap sa mga hamon sa seguridad sa karagatan. Binigyang-diin din ni Yang, na hindi ito nakatuon sa anumang ikatlong panig.
Salin: Liu Kai