Hinggil sa CRIHinggil sa Serbisyo Filipino
   

Ika-9 na China-ASEAN Education Cooperation Week, binuksan

(GMT+08:00) 2016-08-01 12:22:06       CRI

Guiyang, Lalawigang Guizhou ng Tsina—Binuksan dito Lunes, Agosto 1, 2016, ang Ika-9 na China-ASEAN Education Cooperation Week. Ang taong 2016 ay "Taon ng Pagpapalitang Pang-edukasyon ng Tsina at Association of Southeast Asian Nations (ASEAN)" at ang kasalukuyang linggo ay itinuturing na pangunahing proyekto ng nasabing "taon ng pagpapalitan." Ang nasabing aktibidad ay isa ring mahalagang bahagi ng pagdiriwang sa ika-25 anibersaryo ng pagkakatatag ng relasyong pandiyalogo ng Tsina at ASEAN. Ang naturang anibersaryo at linggo ng pagpapalitang pang-edukasyon ay may isang tema: "Pagbibigay ng Priyoridad sa Edukasyon, Magkasamang Pagsasakatuparan ng Pangarap."

Mahigit 30 kinauukulang aktibidad ang ihahandog sa panahon ng kasalukuyang linggo. Kabilang dito, idaraos sa Martes ang ika-2 Roundtable Conference ng Mga Ministro ng Edukasyon ng Tsina at ASEAN. Ang unang roundtable conference ay idinaos noong 2010. Pagtitibayin sa kasalukuyang pulong ang "Action Plan ng Tsina at ASEAN sa Kooperasyong Pang-edukasyon (mula taong 2016 hanggang 2020)." Magsisilbi itong unang panlimahang taong plano ng Tsina at ASEAN sa larangan ng edukasyon. Ang nilalaman nito ay sasaklaw sa mga larangang kinabibilangan ng pundamental na edukasyon, higher education, vocational education, pagpapalitan ng mga estudyante, kooperasyon ng mga think tank, at iba pa.

Sapul nang idaos ang unang China-ASEAN Education Cooperation Week noong 2008, nakapagpasulong ito sa pagpapalitan ng mga estudyante ng Tsina at ASEAN. Kabilang dito, noong 2015, tumaas sa 71,101 ang bilang ng mga estudyanteng mula sa mga bansang ASEAN sa Tsina. Ito'y mula 49,580 noong 2010. Lumaki naman sa 39,662 ang bilang ng mga mag-aaral na Tsino sa mga bansang ASEAN, mula 16,947 noong 2010.

Salin: Vera

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>