Kaugnay ng kanyang katatapos na pagdalaw sa India, sinabi nitong Sabado, Agosto 13, 2016, sa New Delhi ni Wang Yi, Ministrong Panlabas ng Tsina, na layon ng kanyang pagdalaw ang pagsasagawa ng estratehiyang pakikipag-ugnayan sa India hinggil sa idaraos na G20 Summit sa Tsina at idaraos na BRICS Summit sa India.
Nang araw ring iyon, magkahiwalay na kinatagpo ni Wang sina Punong Ministro Narendra Modi, Ministrong Panlabas Sushma Swaraj, at National Security Advisor Ajit Doval ng bansang ito.
Ipinahayag ni Wang na narating ng dalawang bansa ang mahalagang nagkakaisang posisyon, na kumakatig sa isa't isa para matagumpay na idaos ang nasabing dalawang summit. Ito aniya ay para palalimin ang pagkakaisa at pagtutulungan ng mga umuunlad na bansa at pataasin ang katayuan at papel ng mga bagong sibol na ekonomiya sa kabuhayang pandaigdig.
Kaugnay ng relasyong Sino-Indiano, sinabi ni Wang na sapul nang manungkulan si Modi bilang PM ng India, natamo ng relasyon ng dalawang bansa ang malaking progreso sa iba't ibang larangan.
Sinabi pa ni Wang na mas malaki ang komong kapakanan ng dalawang bansa kaysa sa kanilang mga hidwaan. Naniniwala aniya siyang hahanapin ng dalawang bansa ang mga maayos na paraan sa paglutas ng mga hidwaan.