Hinggil sa CRIHinggil sa Serbisyo Filipino
   

Ika-19 na Summit ng ASEAN, Tsina, Hapon, at Timog Korea, idinaos

(GMT+08:00) 2016-09-08 11:43:43       CRI

Idinaos kahapon, Miyerkules, ika-7 ng Setyembre 2016, sa Vientiane, Laos, ang Ika-19 na Summit ng ASEAN, Tsina, Hapon, at Timog Korea o "10 plus 3."

Sa kanyang talumpati sa summit, sinabi ni Premyer Li Keqiang ng Tsina, na sa pamamagitan ng 19 taong pag-unlad, natamo ng mekanismo ng "10 plus 3" ang mahalagang tagumpay. Aniya, ang susunod na taon ay ika-20 anibersaryo ng "10 plus 3," at ito ay dapat maging bagong simula, para patatagin ang papel ng mekanismong ito bilang pangunahing tsanel sa rehiyonal na integrasyong pangkabuhayan.

Kaugnay ng mga kooperasyon ng "10 plus 3," iniharap ni Li ang 6 na mungkahi, na gaya ng pagpapalakas ng kooperasyon sa seguridad na pinansyal, pagpapalalim ng kooperasyon sa kalakalan at pamumuhunan, pagpapasulong sa kooperasyon sa agrikultura at pagbabawas ng kahirapan, pagpapasulong sa konektibidad, pagsasagawa ng bagong paraan ng kooperasyon sa kakayahang produktibo, at pagpapahigpit ng pagpapalitang panlipunan at pangkultura.

Tinukoy din ng Premyer Tsino, na sa ilalim ng kasalukuyang matatag na kalagayang panseguridad sa Asya, pinaninindigan ng panig Tsino na itatag ang komon, komprehensibo, kooperatibo, at sustenableng konsepto ng seguridad, para makabuti sa iba't ibang panig, iwasan ang komprontasyon, at maayos na hawakan ang mga sensitibong isyu.

Binigyan naman ng positibong pagtasa ng mga iba pang kalahok na lider ang pag-unlad ng mekanismo ng "10 plus 3," at mahalagang papel nito sa rehiyon. Sinang-ayunan nilang sa susunod na taon, patuloy na gagawin ang blueprint ng komunidad na pangkabuhayan ng Silangang Asya, at pabibilisin ang mga kooperasyon ng "10 plus 3." Ipinahayag din nilang dapat ibayo pang pagkoordinahan ng iba't ibang panig ang paninindigan, para harapin ang mga tradisyonal at di-tradisyonal na hamon sa seguridad, labanan ang terorismo at ekstrimismo, at pangalagaan ang kapayapaan at katahimikan ng rehiyon at daigdig.

Salin: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>