Dumalo Biyernes, September 23, local time, sa Montreal, Kanada, sina Premyer Li Keqiang ng Tsina at Punong Ministro Justin Trudeau ng Kanada, sa ika-6 na porum sa kooperasyong pangkabuhayan at pangkalakalan ng dalawang bansa. Kalahok din sa porum ang mahigit 700 personahe mula sa sirkulo ng industriya at komersyo ng Tsina at Kanada.
Sa porum, kapwa ipinahayag ng mga PM ng Tsina at Kanada ang kahandaang buong sikap na pasulungin ang bilateral na relasyon at ibayo pang palakasin ang kooperasyong pangkabuhayan at pangkalakalan ng dalawang bansa. Ito anila ay para maghatid ng mas maraming benepisyo sa mga mamamayan ng Tsina at Kanada.
Ipinahayag din nila ang pagkatig sa malayang kalakalan at maginhawang pamumuhunan sa daigdig, para palakasin ang kompiyansa sa pag-unlad ng pandaigdig na kabuhayan at kalakalan.
Salin: Liu Kai