Idinaos Setyembre 25, 2016 ng United Nations Security Council ang pangkagipitang pulong para talakayin ang eskalasyon ng sagupaan, sa pagitan ng sandatahang lakas ng pamahalaan at oposisyon ng Syria, na naganap kamakailan sa Aleppo, sa gawing hilaga ng bansa.
Ipinahayag sa pulong ni Staffan de Mistura, Sugo ng UN sa isyu ng Syria na apektado ng eskalasyon ng sagupaan ang isinasagawang pagbibigay-makataong tulong ng UN sa Syria at pamumuhay ng mga residente sa lokalidad.
Ayon sa mungkahing magkasamang iniharap kamakailan ng Amerika at Rusya, isinagawa sa Syria ang isang linggong tigil-putukan, mula Setyembre 12-18, 2016.
Ipinatalastas naman Setyembre 19, 2016 ng sandatahang lakas ng pamahalaan ng Syria ang pagtatapos ng nasabing pansamantalang kasunduan sa tigil-putukan.
Sa kasalukuyan, di-pa nagkakasundo ang Amerika at Rusya hinggil sa pagpapatuloy o hindi ng nasabing tigil-putukan.