IKINABABAHALA ni Pangulong Rodrigo Duterte ang isang sektor ng mga mamamayan sa Mindanao. Sa kanyang talumpati sa harap ng mga Filipino sa Ha Noi kagabi, sinabi niyang may mga kabataang nakukumbinseng lumahok sa ISIS.
Nagaganap ito sa mga paaralang kilala sa pangalang Tabligh. Nakukumbinse silang magka-simpatiya sa mga ISIS na namumugot ng ulo sa mga walang kalaban-laban, dagdag pa ni Pangulong Duterte.
Niliwanag niyang hindi makikipag-usap ang kanyang pamahalaan sa mga Abu Sayyaf dahil sa kanilang mga ginawang pagpaslang, pagudkot at paniningil ng ransom sa mga pamilya ng kanilang mga binihag.