Idinaos Oktubre 10, 2016, sa Bangkok, Thailand ang pangalawang kumperensiya ng Asian Cooperation Dialogue(ACD). Dumalo sa pagtitipon ang mga kinatawan mula sa 34 na miyembro ng ACD, na kinabibilangan ng Tsina at Pilipinas.
Sa kanyang talumpating pinamagatang "Pagpapasulong ng Diyalogong Pangkooperasyon ng Asya, Magkasamang Pagtatatag ng Komunidad ng Asya," sinabi ni Pangalawang Pangulong Li Yuanchao ng Tsina, na positibo ang Tsina sa pagpapaganda sa hinaharap ng Asya, sa pamamagitan ng pagtatatag ng komunidad ng Asya na may panlahatang pag-unlad, karapatan at interes, seguridad, at responsibilidad. Umaasa aniya ang Tsina na pahihigpitin ng mga miyembro ng ACD ang pagkakaisa at pagtutulungan para pangalagaan ang katatagan, kaunlaran at integrasyong may mutuwal na kapakinabangan para sa buong Asya.
Bilang iisang pampamahalaang mekanismong pandiyalogo ng Asya, ang ACD ay naitatag noong 2002. Ang tema ng pulong sa taong 2016 ay: Diversified Power, One Asia."