Ayon sa Charter on Maritime Security and Safety and Development na pinagtibay Sabado, Oktubre 15, sa Extraordinary Summit on Maritime Security, Safety and Development, buong sikap na patatatagin ng Unyong Aprikano (AU) ang isang mekanismo ng pagkokoordinahan at pagmomonitor para magkasamang harapin ang banta sa rehiyong pandagat ng Aprika.
Sa naturang katatapos na summit, ipinahayag ni Idriss Deby, Pangulo ng Chad at Kasalukuyang Tagapangulo ng AU, na ang naturang charter ay makakatulong sa pag-unlad ng kalakalan, paggagalugad sa dagat, at pagdudulot ng mas maraming pagkakataon ng hanap-buhay para sa mga bansang Aprikano.
Bukod dito, nabanggit niya ang banta ng mga pandarambong sa dagat para sa mga bansang Aprikano. Naniniwala aniya siyang ang nabanggit charter ay makakatulong sa pagpigil sa mga transnasyonal na krimen sa dagat.