|
||||||||
|
||
SINABI ni Atty. Salalima ng Department of Information and Communications Technology na kabilang sa utos ni Pangulong Duterte ang pagpapabilis ng internet services sa bansa.
Ipinaliwanag niyang dumami na ang gumagamit ng mobile phones subalit nahihirapan ang telecommunications companies na makapagtayo ng kanilang cell sites sapagkat maraming pook sa bansa, tulad ng mga subdivision, na nanangangambang may dulot na radiation ang cell sites.
Nagkaroon na rin na mga usaping nakarating sa hukuman dahil sa pagkakahati ng mga naninirahan sa barangay at subdivision. Naglabas na ng pahayag ang Department of Health na hindi magdudulot ng anumang karamdaman ang mga cell sites sapagkat mas malakas pa ang radiation na mula sa mga makabagong telebisyon.
Samantala, magkakaroon din ng imbentaryo ng radio frequencies na naibigay sa mga aplikante noong mga nakalipas na taon. Marami umano sa mga nabigyan ang nag-aakalang maipagbibili nila ang nakamtang prangkesa mula sa pamahalaan.
© China Radio International.CRI. All Rights Reserved. 16A Shijingshan Road, Beijing, China. 100040 |