Dumating kahapon, Huwebes, ika-10 ng Nobyembre 2016, sa Maynila ang isang delegasyong pangkalakalan na pinamumunuan ng China Chamber of Commerce of Foodstuffs and Native Produce. Ang pangunahing layunin nila ay pag-aangkat ng mga prutas mula sa Pilipinas.
Sa pananatili sa Maynila, bumisita si Bian Zhenhu, Puno ng naturang chamber of commerce ng Tsina, sa Philippine Chamber of Commerce and Industries, at nagpalitan ng palagay ang dalawang panig, hinggil sa kung papaano palalawakin ang kalakalan ng prutas ng Tsina at Pilipinas. Sinabi ni Bian, na maganda ang pagbebenta ng mga prutas ng Pilipinas sa Tsina, at para ibayo pang mapasulong ito, kailangang magsikap ang kapwa panig, sa aspekto ng paggarantiya sa kalidad ng mga prutas, at pagsasaayos ng mga prosidyur na pangkalakalan.
Kalahok sa naturang delegasyon ang 8 malaking kompanyang Tsino ng pag-aangkat ng prutas. Tinatayang bibili sila ang mahigit sa 100 libong toneladang prutas ng Pilipinas, na gaya ng mga saging at pinya.
Salin: Liu Kai