|
||||||||
|
||
Sa kanyang talumpati kamakailan sa Rotary International sa Indonesia, ipinahayag ni Xie Feng, Embahador ng Tsina sa Indonesia, na sa kasalukuyan, walang puwersa ang pag-ahon ng kabuhayang pandaigdig, at dumagdag ang mga elemento ng kawalang-katatagan. Ngunit, mayroong aniyang dalawang tampok na bentahe ang Tsina at ang Indonesia.
Ani Xie, bamaga't kinakaharap ng kabuhayang Indones ang maraming hamon, mainam pa rin ang performance nito. Aniya, noong unang hati ng kasalukuyang taon, naisakatuparan ang mahigit 5% paglaki ng kabuhayan, at umakyat din sa mahigit 12% ang bahagdan ng paglaki ng pondong dayuhan.
Dagdag pa niya, nitong ilang taong nakalipas, nananatiling mainam ang tunguhin ng pag-unlad ng relasyong pangkabuhayan at pangkalakalan ng Tsina at Indonesia. Naging dalawa aniya ang pangunahing bentahe ng relasyong ito, na kinabibilangan ng una, sabay na pagtaas ng saklaw ng pamumuhunan, kalidad at benepisyo; ikalawa, walang humpay na paglawak ng larangang pangkooperasyon ng dalawang bansa.
Salin: Li Feng
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |