Bilang unang pagtitipon ng Regular Foreign Ministers' Meeting ng Tsina at Turkey, nag-usap Nobyembre 13, 2016, sa Ankara, Turkey sina Ministrong Panlabas Wang Yi ng Tsina at kanyang Turkish counterpart na si Mevlut Cavusoglu. Nagpalitan ang dalawang panig ng kuru-kuro hinggil sa bilateral na relasyon at mga isyung panrehiyon at pandaigdig na kapuwa nila pinahahalagahan.
Sinang-ayunan ng Tsina at Turkey ang komprehensibong pagtupad sa mga komong palagay na narating ng mga liderato ng dalawang bansa, taong 2016 at mga resultang natamo sa unang kumperensiya ng Pampamahalaang Lupong Pangkooperasyon ng Tsina at Turkey, para ibayong pasulungin ang estratehikong pagtutulungan ng dalawang bansa. Ipinahayag ng dalawang panig na isulong ang ugnayan ng pambansang estratehiyang pangkaunlaran ng dalawang bansa para isakatuparan ang magkasamang pag-unlad, at palalimin ang pagtutulungang panseguridad para patibayin ang pundasyon ng pragmatikong pagtutulungan ng dalawang bansa. Ipinangako rin ng dalawang panig ang magkasamang pangangalaga sa kani-kanilang soberanya, seguridad at katatagan. Kakatigan ng dalawang panig ang paglutas sa mga mainitang problemang panrehiyon, sa pamamagitan ng paraang pampulitika, para pangalagaan ang katatagan ng rehiyon.