|
||||||||
|
||
Binuksan nitong Linggo, November 13, 2016 sa Guangzhou, sa timog silangang Tsina, ang eksibisyon ng mga top brand ng Thailand. Lumahok dito ang mga 100 bahay-kalakal na Thai para ibayo pang palawakin ang kanilang pamilihan sa Tsina.
Ang eksibisyon na tatlong araw ay nagtatampok sa limang uri ng produkto na kinabibilangan pagkain at inumin, at iba pa. Idinaraos din ang mga negotiations hinggil sa pagluluwas ng mga produktong Thai at kooperasyong pandaigdig, palabas ng pagluluto ng Thai food, at palabas ng mga kaugalian at kulturang Thai.
Sinabi ni Sorut Sukthaworn, Pangalawang Consul General ng Thailand sa Guangzhou, na ang Tsina ay isang napakahalagang pamilihan ng Thailand at umaasa siyang ibayo pang patataasin ng mga produktong Thai ang popularidad, impluwensya at market share sa Tsina.
Salin: Andrea
© China Radio International.CRI. All Rights Reserved. 16A Shijingshan Road, Beijing, China. 100040 |