Idinaos Nobyembre 20, 2016 sa Kunming, Tsina ang kauna-unahang porum ng Tsina at Myanmar hinggil sa pangangalaga sa yamang gubat at kaunlaran ng komunidad. Mga 100 kinatawan, galing sa Tsina at Myanmar, ang nagtalakayan hinggil sa pangangalaga sa biodiversity, pamamahala sa yamang gubat, pagpigil ng sunog sa gubat, kaunlaran ng komunidad at iba pa.
Sa kanyang talumpati, ipinahayag ni Wan Yong, Pangalawang Director ng Kawanihang Panggugugbat ng Yunnan, Tsina, na may mahabang kasaysayan ang pagpapalitang pangkabuhayan at pangkultura ng Yunnan at Myanmar. Aniya pa, mayaman ang karanasan ng Yunnan sa pangangalaga sa biodiversity at nabuo na nito ang katangi-tanging sistema. Umaasa aniya siyang sa pamamagitan ng porum, ibayo pang mapapasulong ang pagtutulungan ng magkabilang panig at maitatatag ang regular na mekanismo ng pagpapalitan.