Nag-usap Disyembre 8, 2016 sa Washington, Amerika sina Guo Shengkun, Kasangguni ng Estado ng Tsina at Susan Rice, American National Security Adviser.
Ipinahayag ni Guo ang pagpapahalaga sa pagsisikap ni Rice sa pagpapasulong ng relasyong Sino-Amerikano, at pagtutulungan ng dalawang bansa sa cyber security at law enforcement.
Sinabi ni Guo na sa nalalapit na pagpapalit ng pamahalaang Amerikano, ang pagsasakatuparan ng matatag at masiglang pag-unlad ng relasyong Sino-Amerikano ay angkop sa interes ng dalawang bansa at daigdig. Nakahanda aniya ang Tsina na magsikap, kasama ng mga pamahalaang Amerikano, para ibayong palalimin ang pagtutulungan ng dalawang bansa sa cyber security at law enforcement, para isakatuparan ang matatag, malusog at masiglang pag-unlad ng relasyong Sino-Amerikano.
Ipinahayag naman ni Rice na bilang dalawang bansang may pinakamalakas na impluwensiya sa daigdig, inaasahang magsisikap ang Tsina at Amerika, para ibayong pasulungin ang bilateral na relasyon, batay sa pagpapatibay at pagpapalawak ng mga natamong bungang pangkooperasyon, at pagpapalalim ng pragmatikong pagtutulungan.
