Idineklara kamakailan ng Asian Infrastructure Investment Bank (AIIB) na sinang-ayunan nitong magkaloob ng dalawang pautang na nagkakahalaga ng 301 milyong dolyares sa Oman. Gagamitin ang pondong ito sa proyekto ng imprastruktura sa Duqm harbor at railway network ng Oman. Napag-alamang ito ang unang beses na ipinagkaloob ng AIIB ang pautang sa bansang nasa Gulpo.
Ipinahayag ni Jin Liqun, Puno ng AIIB, na mabilis na lumalaki ang kakayahan ng AIIB sa pamumuhunan sa mga malalaking proyekto. Umaasa aniya siyang sa pamamagitan ng nasabing dalawang pautang, matutulungan ang pamahalaan ng Oman sa pagpapasulong ng estratehiya nitong "dibersipikadong ekonomiya."
Salin: Li Feng