NANINIWALA si dating Senador Francisco Tatad na ang mga pagpatay na nagaganap ngayon ang mangungunang balita sa taong 2016. Hindi biro ang bilang ng mga napapaslang ng mga 'di mabatid ng pusakal na responsible sa pagkasawi ng mga sinasabing sangkot sa ilegal na droga.
Bagaman, sinabi pa ng dating senador na wala pang mga banyagang napapaslang o nadarakip sa pinag-ibayong kampanya laban sa ilegal na droga sa bansa mula ng maluklok si Pangulong Rodrigo Duterte.
Idinagdag pa niyang kagulat-gulat ang ginawang pagbibigay ng search warrant sa isang nakapiit na sinasabing nanglaban. Kagulat-gulat umano ang naganap kay Albuera, Leyte Mayor Rolando Espinosa, Sr. noong nakalipas na ika-lima ng Nobyembre. Hindi mawari ng dating senador na sinabi na ng mga imbestigador na rub-out ang naganap subalit sinabi pa ng pangulong mas paniniwalaan niya ang bersyon ng pulisya.