Ipinalabas Lunes, Enero 9, 2017, ng mga pamahalaan ng Australia at East Timor ang pahayag na walang-bisa ang Treaty on Certain Maritime Arrangements in the Timor Sea na nilagdaan ng dalawang bansa noong 2006.
Dagdag ng pahayag, nananatili namang may-bisa ang Timor Sea Treaty na nilagdaan ng dalawang bansa noong 2002.
Ayon pa rin sa pahayag, noong Oktubre ng 2016, lumahok ang mga pamahalaan ng dalawang bansa sa isang serye ng pulong na itinaguyod ng Lupon ng Koordinasyon hinggil sa pinagtatalunang hanggahan sa dagat. At sa panahong ito, natamo ng dalawang panig ang mga komong palagay hinggil sa pagsasagawa ng mga hakbangin para sa paglagda ng pangmatagalang kasunduan hinggil sa hanggahang pandagat.
salin:Lele