Hinggil sa CRIHinggil sa Serbisyo Filipino
   

Tsina, pinuna ang panunulsol ng Hapon sa isyu ng South China Sea

(GMT+08:00) 2017-01-17 11:54:04       CRI
Pinuna kahapon, Lunes, ika-16 ng Enero 2017, ni Tagapagsalita Hua Chunying ng Ministring Panlabas ng Tsina, ang panunulsol ng Hapon sa isyu ng South China Sea.

Winika ito ni Hua kaugnay ng pagdalaw kamakailan ni Punong Ministro Shinzo Abe ng Hapon sa Pilipinas, Australya, at Indonesya. Ayon sa ulat, sa mga okasyon sa naturang mga bansa, sinadyang binanggit ni Abe ang isyu ng South China Sea. Iniharap din niya ang mungkahi hinggil sa pagkakaloob ng missiles sa Pilipinas, pero tinanggihan ito ni Pangulong Rodrigo Duterte.

Kaugnay nito, sinabi ni Hua, na hinahangaan ng panig Tsino ang nagsasariling patakarang panlabas ng Pilipinas sa administrasyon ni Pangulong Duterte hinggil sa pagpapaunlad ng relasyong pangkaibigan at pangkooperasyon sa ibang bansa, batay sa pagkakapantay-pantay at paggagalangan.

Sinabi rin niyang, sa pamamagitan ng magkakasamang pagsisikap ng Tsina at mga may kinalamang bansa ng Association of Southeast Asian Nations (ASEAN), nagiging maganda ang kalagayan sa South China Sea, at napanumbalik na ang tumpak na landas ng paglutas sa isyung ito sa pamamagitan ng talastasan at pagsasanggunian. Aniya, sa kalagayang ito, gusto pa rin ng punong ministrong Hapones na idulot ang sigalot sa isyung ito, at painitin ang rehiyonal na tensyon. Ang aksyong ito ng panig Hapones ay nagpapakita ng masamang motibo at di-malusog na atityud nito, dagdag ni Hua.

Salin: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>