Idinaos Huwebes, Enero 26, 2017, sa Great Hall of the People sa Beijing ang resepsyon ng Partido Komunista ng Tsina (CPC) at Pamahalaang Sentral bilang pagdiriwang sa 2017 Spring Festival o Chinese New Year.
Sa resepsyong ito, binati ni Xi Jinping, Pangulong Tsino, Pangkalahatang Kalihim ng CPC at Tagapangulo ng Central Military Commission (CMC) ng maligayang bagong taon ang lahat ng mga Tsino sa mainland, Hong Kong, Macao, Taiwan at ibayong dagat.
Sinabi ni Xi na noong taong 2016, natamo ang mga bunga ng Tsina sa pag-unlad ng pambansang kabuhayan, pagpawi ng kahirapan, at reporma sa gawaing pandepensa at militar.
Sinabi pa niyang sa taong 2017, patuloy na magsisikap ang lahat ng mga mamamayang Tsino para komprehensibong itayo ang may kaginhawahang lipunan sa lalong madaling panahon.
Dumalo sa resepsyong ito sina Li Keqiang, Zhang Dejiang, Yu Zhengsheng, Liu Yunshan, Wang Qishan, Zhang Gaoli at mahigit 2000 kinatawan ng iba't ibang sektor ng Tsina.