Nag-usap sa telepono Sabado, Pebrero 4, 2017 sina Pangulong Donald Trump ng Amerika at Punong Ministro Paolo Gentiloni ng Italya para palalimin ang kooperasyon ng dalawang bansa sa seguridad at paglaban sa terorismo.
Ayon sa pahayag ng White House, tinalakay ng lider ng dalawang bansa ang mga isyung gaya ng kalagayan ng Libya, isyu ng refugees sa Europa, at G7 Summit na idaraos sa darating na Mayo sa Italya.
Sinang-ayunan nilang patuloy na isagawa ang mahigpit na kooperasyon at pagkokoordinahan hinggil sa pagbibigay-dagok sa Islamic State at ibang mga teroristikong organisasyon.
Binigyang-diin ni Trump na dapat magkasamang isabalikat ng mga kasaping bansa ng North Atlantic Treaty Organization (NATO) ang mga gastusin ng organisasyong ito.