Buong pagkakaisang ipinahayag Sabado, Pebrero 4, 2014 sa Tokyo nina Tomomi Inada, Ministro ng Depensa ng Hapon, at kanyang counterpart na si James Mattis ng Amerika, na patuloy na pahihigpitin ang relasyong pangkaalyado ng dalawang bansa.
Sa news briefing pagkatapos ng pag-uusap, ipinahayag ni Tomomi Inada na napakahalaga ng relasyon ng dalawang bansa para sa kalagayang panseguridad ng Asya-Pasipiko. Umaasa aniya siyang sa pamamagitan ng pagdalaw ni Mattis sa Hapon at Timog Korea, lalo pang lalalim ang kooperasyong panseguridad ng tatlong bansa.
Ipinahayag naman ni Mattis na ipinapauna ng pamahalaang Amerikano ang diplomatikong relasyon sa mga bansa sa rehiyong Asya-Pasipiko, lalo na sa mga kaalyadong bansa na gaya ng Hapon.
Kaugnay ng isyu ng paglilipat ng Marine Corps Air Station Futenma ng tropang Amerikano, buong pagkakaisang ipinahayag nilang ililipat ang nasabing paliparan sa Henoko ng Okinawa Prefecture.