Ipinalabas kahapon, Lunes, ika-20 ng Pebrero 2017, ng Ministri ng Agrikultura ng Tsina ang patalastas hinggil sa pagpapairal ng fishing ban sa taong ito. Ito ay itinuturing na pinakamahigpit na fishing ban nitong 22 taong nakalipas, sapul nang pairalin ng Tsina ang unang pagbabawal.
Ayon sa naturang patalastas, simula sa unang araw ng darating na Mayo ng taong ito, paiiralin ang fishing ban sa Bohai Sea, Yellow Sea, East China Sea, at bahagi ng South China Sea.
Kumpara sa karaniwang 2-buwang fishing ban, aabot sa 3 buwan ang pinakamaikling tagal ng kasalukuyang pagbabawal. Sasaklaw din ito sa mas maraming paraan ng pangingisda.
Salin: Liu Kai