"Ang kapayapaan ay paunang kondisyon sa pagpapasulong at paggarantiya ng karapatang pantao." Ito ang ipinahayag ni Liu Hua, Sugo ng Ministring Panlabas ng Tsina sa ika-34 na komperensiya ng Human Rights Council ng United Nations, na idinaraos mula Pebrero 27 hanggang Marso 24, 2017, sa Geneva, Swizerland.
Sa ngalan ng pamahalaang Tsino at mga bansang Aprikano, iniharap ni Liu ang limang mungkahi sa pagsasakatuparan ng pangmatagalang kapayapaan at pangangalaga sa karapatang pantao. Una, pagtatatag ng pantay-pantay na partnership ng ibat-ibang bansa; Ikalawa, paglutas sa mga alitan sa pamamagitan ng mapayapang paraan; Ikatlo, pangangalaga sa kapayapaan sa pamamagitan ng pagtutulungan; Ikaapat, pagpapasulong ng kapayapaan batay sa pag-unlad; at Ikalima, pagbibigay-galang sa dibersipikasyong pansibilisasyon.