Sa ngalan ng mga umuunlad na bansa, bumigkas ng talumpati kahapon, Lunes, ika-20 ng Marso 2017, si Ma Zhaoxu, Pirmihang Kinatawan ng Tsina sa United Nations sa Geneva, sa ginaganap na ika-34 na pulong ng UN Human Rights Council.
Binigyang-diin ni Ma, na dapat magkakasamang magsikap ang iba't ibang bansa, para pabutihin ang global human rights governance, at pasulungin ang malusog at sustenableng pag-unlad ng usapin ng karapatang pantao ng daigdig.
Para rito, iniharap din ni Ma na dapat igiit ang limang prinsipyong kinabibilangan ng pagkakapantay-pantay sa soberanya, multilateralismo, kooperasyong may mutuwal na kapakinabangan, pagiging bukas at inklusibo, at mapayapang pag-unlad.
Salin: Liu Kai