Ipinalabas kahapon, Martes, ika-21 ng Marso 2017, sa Stockholm, Sweden, ng United Nations Development Programme (UNDP), ang Human Development Report 2016.
Ayon sa ulat, nitong 25 taong nakalipas, maraming bunga ang natamo sa aspekto ng pag-unlad ng sangkatauhan, pero hindi pa rin kasama ang maraming tao sa mga usaping may priyoridad ng kaunlarang pandaigdig. Dagdag ng ulat, ayon sa Human Development Index, sangkatlo ng mga tao sa buong daigdig ay namumuhay pa rin sa mababang lebel ng pag-unlad ng sangkatauhan.
Kaugnay nito, sinabi nang araw ring iyon ni Helen Clark, Puno ng UNDP, na dapat alisin ang mga normang panlipunan at batas na may pagkiling, upang lubos na pawiin ang kahirapan, at isakatuparan ang mapayapa at makatarungang sustenableng pag-unlad para sa lahat ng mga tao.
Salin: Liu Kai