Nag-usap Marso 30, 2017, sa Beijing sina Pangulong Xi Jinping ng Tsina at Pangulong Tomislav Nikolić ng Serbia.
Ipinahayag ni Pangulong Xi na may malawak na prospek ang pagtutulungan ng Tsina at Serbia. Nakahanda aniya ang Tsina na magsikap, kasama ng Serbia para palalimin ang pagtutulungan ng dalawang bansa sa ibat-ibang larangan, na gaya ng imprastruktura, agrikultura, enerhiya, kultura, turismo, at iba pa. Umaasa aniya siyang mapapasulong ang ugnayan sa pagitan ng "Belt and Road Initiative" ng Tsina at pambansang estratehiyang industriyal ng Serbia.
Ipinahayag naman ni Pangulong Nikolić na positibo ang Serbia sa prinsipyo ng paggagalangan at pagkakapantay-pantay na isinasagawa ng Tsina sa pagpapasulong ng bilateral na relasyon ng ibat-ibang bansa. Ipagpapatuloy aniya ng kanyang bansa ang patakarang "Isang Tsina." Nakahanda ang Serbia na pahigpitin ang pragmatikong pakikipagtulungan sa Tsina sa ibat-ibang larangan, at makisangkot sa konstruksyon ng "Belt and Road Initiative," dagdag pa niya. Magsisikap aniya ang Serbia para pasulungin ang pagtutulungan sa pagitan ng Tsina at mga bansa ng Gitnang Silangang Europa.