Sa paanyaya, nag-usap sa telepono kahapon sina Yang Jiechi, Kasangguni ng Konseho ng Estado ng Tsina at Rex Tillerson, Kalihim ng Estado ng Estados Unidos (E.U.).
Sinabi ni Yang na ang gagawing pagtatagpo nina Pangulong Xi Jinping ng Tsina at Pangulong Donald Trump ng Amerika, mula ika-6 hanggang ika-7 ng buwang ito sa Mar-a-Lago, Florida., ay pinakamalaking pangyayari sa kasalukuyang relasyong Sino-Amerikano. Aniya, hindi lamang mahalaga ito sa pagpapasulong ng relasyon ng dalawang bansa, kundi sa pagpapahigpit ng kapayapaan, katatagan at kasaganaan ng rehiyong Asya-Pasipiko at buong daigdig. Umaasa siyang magkasamang magsisikap ang dalawang panig para maging matagumpay ang pagtatagpo.
Ipinahayag naman ni Rex Tillerson na inaasahan ni Pangulong Trump na sasalubungin si Pangulong Xi sa Mar-a-Lago, Florida. Ang pagtatagpo ay napakahalaga para sa relasyong Sino-Amerikano. At buong lakas na naghahanda ang panig Amerikano para maigarantiyang matamo ang positibong bunga.