Magkahiwalay na nagpadala ng mensahe, ngayong araw, Martes, ika-4 ng Abril 2017, sina Pangulong Xi Jinping at Premyer Li Keqiang ng Tsina, kina Pangulong Vladimir Putin, at Punong Ministro Dmitry Medvedev ng Rusya, kaugnay ng naganap na pagsabog sa metro sa St. Petersburg.
Ipinahayag ng dalawang lider na Tsino ang pagkondena sa naturang teroristikong pag-atake. Sa ngalan ng pamahalaan at mga mamamayang Tsino, at kanilang sarili mismo, ipinahayag din nila ang pagluluksa sa mga nasawi, at pakikiramay sa mga nasugtan.
Sinabi rin nilang buong tatag na tinututulan ng Tsina ang lahat ng porma ng terorismo. Nakahanda anila ang Tsina, kasama ng Rusya at komunidad ng daigdig, na palakasin ang kooperasyon laban sa terorismo, para pangalagaan ang kapayapaan at katiwasayan sa rehiyon at daigdig.
Salin: Liu Kai