Idinaos kamakailan sa Singapore ang Ika-3 Porum na Pangkooperasyon ng Tsina at Singapore. Tinalakay ng mga kalahok ang hinggil sa pagsasakatuparan ng magkasamang pag-unlad ng mga bansa sa kahabaan ng Silk Road sa Karagatan sa Ika-21 siglo, na gaya ng patakarang pangkabuhayan, pamumuhunan, pag-unlad ng mga bahaykalakal, at iba pa.
Ipinahayag ni Xu Liping, dalubhasa ng Chinese Academy of Social Science na haharapin ng mga bansa ng Timog-Silangang Asya ang pagkakataong pangkaunlaran sa limang larangang dulot ng estratehiya ng Silk Road sa Karagatan sa Ika-21 siglo, na gaya ng pagtutulungan sa produktibong lakas, karagatan, enerhiya, konektibidad, at people to people exchanges. Optimistiko rin siya sa ibayong pinalakas na pagtutulungan sa pagitan ng Tsina at Timog-silangang Asya sa ibat-ibang larangan, sa hinaharap.