Amb. Jose Santiago Sta. Romana : Kabataan, magpapaibayo ng Pagkakaibigang Sino-Pilipino

(GMT+08:00) 2017-04-13 10:25:10 CRI

Embahador Jose Santiago Sta. Romana

Malugod na tinanggap ng mga diplomatang Pilipino na kabilang sa Consular, Political at Cultural sections ng Pasuguan ng Pilipinas sa Beijing ang mga Grade 11 students ng Xavier School nitong Biyernes, Abril 7,2017. Kasalukuyang nandito ang mga IB Students para sa kanilang Chinese Language Enrichment Program.

Nakadaupang palad ng mga Xavier School students si Embahador Jose Santiago Sta. Romana. Sa kanyang welcome remarks sinabi ni Amb. Sta. Romana na masaya siyang makita ang mga kabataang Pinoy na nag-aaral ng wikang Tsino at personal na nararanasan ang pamumuhay sa Tsina. Dahil aniya mahalaga ito sa pagpapalalim ng paguunawaan sa pagitan ng mga Tsino at Pilipino.

Ang buong grupo ng Xavier School-San Juan Grade 11 students kasama si Amb. Sta. Romana (gitna unang hanay) at mga Consul ng Philippine Embassy

Ibinagi din ni Amb. Sta. Romana na bago pa man siya naitalaga sa kanyang bagong tungkulin ay bahagi siya ng tinatawag na Track Two ng Diplomasya na nakatuon sa pagpapalitan ng mga mamamayan. Ang Phlippine Association of Chinese Studies kung saan kabilang si Amb. Sta. Romana ay nagsagawa ng mga pananaliksik sa relasyong Sino-Pilipino at aktibong lumahok sa mga diskusyong pang-akademiko sa pagitan ng mga scholars ng Pilipinas at Tsina. Ang hangarin nito ay paunlarin ang ugnayan ng dalawang bansa.

Sinabi rin niya na maraming pagkakaiba ang Pilipinas at Tsina, ngunit ang mga ito ay pansamantala lamang. Mas mahalaga ang pangmatagalang pagpapapalitan at ang pagpapaibayo ng interaksyon ng mga mamamayan.

Sa panayam ng China Radio International, sinabi ni Amb. Sta. Romana na ang mga kabataan ay nasa tamang yugto para magtayo ng tulay ng pagkakaibigan sa pagitan ng Pilipinas at Tsina. Dagdag ng embahador na Pilipino na bukod sa pag-aaral ng Mandarin, dadami ang mga scholarships para sa mga estudyante sa Pilipinas di lamang sa kolehiyo kundi maging sa graduate school.

Sa pamamagitan ng aktibidad nabigyan ng pagkakataon ang mga kabataang kilalanin ang mga Foreign Service Officers at magtanong hinggil sa ilang isyu sa diplomasya, usaping pulitikal at kalagayan ng mga OFW sa Tsina. Ayon naman kay Jennifer Say ng Chinese Department ng Xavier School, pinahahalagahan ng mga magulang ang Chinese Language Enrichment Program dahil nakikita nila ang importansya nito sa komunikasyon at negosasyon.

Matapos ang interaksyon, sinabi ni Martin Ocampo Tan, Xavier School student na mabunga ang bahaging ipinaliwanag ng mga diplomata ang kanilang mga gawain, marami aniya siyang natutunan sa international affairs.

Ayon naman kay Pablo Casanova, estudyante rin ng Xavier School na importante ang pagkakaroon ng bukas na pag-iisip o openmindedness para maging handa sa mga pagkakaiba ng kultura ng Pilipinas at Tsina.

Bukod sa ilang linggong pananatili sa Beijing, ang grupo ng Xavier students at pupunta rin sa Shanghai para ipagpatuloy ang kanilang cultural immersion sa Tsina.

Reporter: Mac at Ernest

May Kinalamang Babasahin

Pilipinas

v Rutang panghimpapawid sa pagitan ng Quanzhou at Cebu, nagbukas 2017-04-11 10:10:57
v Philippine Tourism Presentation and Table-top Meetings, mahalagang pangyayari--embahador Pilipino sa Tsina 2017-03-29 18:51:26
v Target na 1 milyong turistang Tsino sa 2017, kayang-kaya--DoT Beijing 2017-03-29 18:32:49
v Leadership Institution ng Pilipinas, bumisita sa Serbisyo Filipino ng CRI 2017-02-20 17:32:57
v CRI, PCOO, at mga pampamahalaang media, lumagda sa kasunduang pangkooperasyon 2017-02-14 22:08:53

Comments

Nagbabagang Paksa

Kompetisyon ng Talento at Kakayahan para sa mga Tagasubaybay sa Buong Daigdig

Pinakahuling Balita

v E-commerce ng Tsina, positibong oportunidad para sa mga produktong Pilipino 11-12 13:05

v Pagbubukas at pag-unlad ng distrito ng Pudong, Shanghai, maaaring matutunan ng Pilipinas – Embahador Jose Santiago Sta. Romana 11-11 16:19

v Xi Jinping: Pag-unlad ng Tsina at daigdig, hindi dapat paghiwalayin 11-10 21:12

v Xi Jinping, lubos na pinahahalagahan ang inklusibo at sustenableng pag-unlad 11-10 19:45

Napiling Artikulo

• Louis Marquez: Shenzhen, magiging lider sa teknolohiya sa buong mundo; pamumuhay sa lunsod, isang biyaya-Mga Pinoy sa Tsina

• Bagong semestre, nagsimula; mga DIY na regalo mula sa mga mag-aaral, inihandog sa mga gurong Pilipino sa Shanghai

• Bong Antivola: 2020 CIFIT hudyat sa kahanga-hangang pagbangon ng Tsina sa gitna ng pandemiya; mamumuhunang Tsino malaki ang interes sa pakikipagkooperasyon sa Pilipinas

• Dandy Menor: 19 na taong paninirahan sa Shenzhen, di mapapantayan-Mga Pinoy sa Tsina

More>>

SMS sa CRI sa 09212572397

6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.

6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.

92041552XX: Happy Easter sa buong staff ng Filipino Service!

6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.

6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.

More>>