Sa kanyang pagdalaw sa Hapon, sinabi kahapon, Abril 18, 2017, ni Mike Pence, Pangalawang Pangulo ng Amerika na patuloy na pahihigpitin ang kooperasyon at palalakasin ang alyansa ng kanyang bansa at Hapon.
Nang araw ring iyon, kinatagpo ni Pence si Shinzo Abe, Punong Ministro ng Hapon, at narating nila ang pagkakaisa hinggil sa ibayo pang pagpapalakas ng alyansa, at pagdaraos ng mga pulong ng mga Ministrong Panlabas at Ministro ng Tanggulang Bansa ng Amerika at Hapon, sa lalong madaling panahon.
Tungkol sa isyu ng Korean Peninsula, tinukoy ni Pence na hindi nagbabago ang target "Non-nuclear Korean Peninsula," na laging iginigiit ng Amerika. Makikipagkooperasyon aniya ang Amerika sa Tsina at Timog Korea, para lutasin ang isyu ng Korean Peninsula sa pamamagitan ng paraang ekonomikal at diplomatiko.
salin:lele