Athens, Abril 24, 2017—Dumalo si Wang Yi, Ministrong Panlabas ng Tsina sa unang Pulong ng mga Ministro ng Ancient Civilizations Forum (ACF) sa Athens, Greece, at bumigkas ng talumpati.
Ipinahayag ni Wang ang kaniyang mungkahi na gamitin ang pagkakataon ng porum para mapasulong ang pagpapalitan ng iba't ibang kabihasnan, at magkakasamang magsikap para sa paglikha ng "community of shared future for mankind." Aniya, sa Mayo, idaraos ang Belt and Road Forum for International Cooperation (BRF) sa Beijing, at ang porum na ito ay magpapalabas ng signal na nakahanda ang Tsina na makipagkooperasyon sa iba't ibang bansa sa daigdig.
Sa kaniyang talumpati, ipinahayag ni Prokopis Pavlopoulos, Pangulo ng Greece na ang ACF ay itinaguyod ng Greece, kasama ng Tsina, at ang iba pang mga kalahok ay mula sa Bolivia, Egypt, India, Iran, Iraq, Italy, Mexico at Peru. Ilalabas ang Deklarasyon ng Athens pagkatapos ng 2 araw na porum.
salin:Lele