|
||||||||
|
||
TINANGGIHAN ng Commission on Appointments ang paghirang kay Secretary-Designate Regina "Gina" Lopez bilang Secretary of Environment and Natural Resources.
Pangalawang tinanggihan ng Commission on Appointments ang nominasyon ni Bb. Lopez. Unang ibinasura ang appointment ni Foreign Affairs Secretary-Designate Perfecto R. Yasay, Jr.
Humarap si Bb. Lopez ng tatlong ulit sa Commission on Appointments na nauwi sa kanyang pagpapaliwanag sa pagpapasara ang 23 mga minahan at suspendihin ang limang iba pa noong Pebrero. Pinagdudahan ang kanyang kakayahang pamunuan ang Department of Environment and Natural Resources.
Sa isang press conference matapos ang pagbasura sa kanyang appointment, sinabi ni Bb. Lopez na ang mga kumontra sa paghirang sa kanya ay naimpluwensiyahan ng malalaking negosyo.
Nawalan na umano ng pag-asa ang mahihirap, sabi ni Bb. Lopez na nagmula sa malaki at mayamang pamilya ng mga haciendero sa Kabisayaan. Pamilya rin niya ang may-ari ng ABS-CBN Rario Television Network.
© China Radio International.CRI. All Rights Reserved. 16A Shijingshan Road, Beijing, China. 100040 |