Ayon sa pinakahuling datos na isinapubliko ng Ministri ng Komersyo ng Thailand, noong isang buwan, tumaas ng 0.38% ang inflation rate ng bansa kumapara sa gayunding panahon ng nagdaang taon. Patuloy ang paglaki nito, simula noong nakaraang 13 buwang singkad. Noong unang 4 na buwan ng taong ito, tumaas ng 1.03% ang inflation rate ng bansa kumpara sa gayunding panahon ng tinalikdang taon.
Ayon pa sa pagtaya ng nasabing ministri, sa buong 2017, aabot sa 1.5% hanggang 2.2% ang inflation rate ng bansa. Dahil sa paglaki ng kita ng mga magsasaka bunsod ng pagtaas ng presyo ng produktong agrikultural, at mainam na pag-ahon ng pagluluwas ng bansa, makakatulong ang mga ito sa paglaki ng konsumo.
Salin: Li Feng